گوژمەی 280 ملیۆن دینار بۆ گەڕەکێکی سلێمانی تەرخان کرا

بە گوژمەی زیاتر لە 280 ملیۆن دینار، تۆڕێكی ئاوەڕۆ لە یەکێک لە گەڕەکەکانی سلێمانی دروست دەكرێت.

لە ڕاگەیەندراوێکدا، وەزارەتی شارەوانی و گەشتوگوزاری هەرێمی کوردستان ڕایگەیاندووە، لە گوندی كۆستەی چەم لە سنووری بەڕێوەبەرایەتیی شارەوانیی بەكرەجۆ، پرۆژەیەكی دروستكردنی تۆڕی ئاوەڕۆ جێبەجێ دەكرێ و بۆ تەواوكردنی پرۆژەكەش وەزارەتی شارەوانی و گەشتوگوزار لە فەرمانێكی وەزاریدا گوژمەی زیاتر لە 280 ملیۆن دیناری خەرج كرد.

وەك لە فەرمانەكەدا هاتووە، بڕیار درا بە خەرجكردنی گوژمەی 280 ملیۆن و 362 هەزار و 500 دینار، لەسەر ڕێژەی 15%ی داهاتی شارەوانی بۆ جێبەجێكردنی پرۆژەی دروستكردنی تۆڕی ئاوەڕۆی چەند كۆڵانێك لە گوندی كۆستەی چەم لە سنووری بەڕێوەبەرایەتیی شارەوانیی بەكرەجۆ.

https://www.facebook.com/1491410667793969/posts/3062901177311569/