نرخى نەوت 90 دۆلارى تێپەڕاند

بەهۆى زنجیرەیەک سزاى نوێی ئەمریکا بۆ سەر ڕوسیا، نرخى نەوت جارێکى دیکە 90 دۆلارى تێپەڕاند.

نرخى یەک بەرمیل نەوتى برێنت (کاتژمێرى 20:00 بەکاتى هەرێمى کوردستان) بەرامبەرە بە 90 دۆلار و 37 سەنت.

هاوکات نرخى یەک بەرمیل نەوتى برێنت (نەوتى ئەمریکى)، بەرامبەرە بە 87 دۆلار و 14 سەنت.

نرخى نەوتى خاو لە بۆڕسەى جیهان، بە ڕێژەى 5% بەرز بووەتەوە.

ئاژانسى ڕۆیتەرز بڵاویکردووەتەوە، هۆکارى بەرزبوونەوەى نرخى نەوت دەگەڕێتەوە بۆ دروستبوونى نامتمانەیی لە بازاڕى وزەى جیهان و ترس لە کەمبوونەوەى خستنەڕوو.

ئاماژەى بەوەش کردووە، ئەو ئاڵۆزییەى بەهۆى دۆخى ئیسرائیل و غەزە هاتووەتە ئاراوە، هاوکات توندکردنەوەى سزاکانى ئەمریکا بۆ سەر کەرتى نەوتى ڕوسیا، هۆکارى ئەو ترسەن لە بازاڕى وزە دروست بووە.