سێ فیلم بۆ ناساندنی شوێنە گەشتیارییەکانی هەولێر بەرهەمدەهێندرێن
30 ملیۆن دیناری بۆ تەرخان کراوە
وەزارەتی شارەوانی و گەشتوگوزاری هەرێم ڕایگەیاند، سێ كورتە فیلمی ئەنیمەیشن بۆ ناساندنی پێگە گەشتیارییەكانی هەولێر بەرهەم دەهێندرێن.
وەزارەتی شارەوانی و گەشتوگوزاری هەرێمی کوردستان ڕایگەیاند، “لە سنووری پارێزگەی هەولێر ژمارەیەكی زۆر شوێن و پێگەی گەشتیاری هەن، بۆ زیاتر ناساندن و نیشاندانی ڕووی جوانیی سروشتی ئەو پێگە گەشتیارییانە، سێ كورتە فیلمی ئەنیمەیشن بەرهەم دەهێنرێن بۆ ئەوەی لە ڕێگەی ئەو فیلمانەوە بتواندرێت بەشێوەیەكی باشتر ناوچە گەشتیارییەكانی هەولێر بناسێندرێن”.
بۆ ئەو مەبەستە، ”گوژمەی 30 ملیۆن دینار” لەسەر ڕیژەی 15%ی داهاتی كەرتی گەشتیاری لە سنووری بەڕێوەبەرایەتیی گشتیی گەشتوگوزاری هەولێر، تەرخان کراوە.
