حکومەتى هەرێم “44%”ى کۆى داهاتى نەوتى فرۆشراوى بۆ ماوەتەوە

بەگوێرەى ڕاپۆرتى دیلۆیت بۆ نەوتى هەرێم، لە چارەکى یەکەمى ئەمساڵ، حکومەتى هەرێمى کوردستان نزیکەى نزیکەى 40 ملیۆن بەرمیل نەوتى فرۆشتووە و بەکار بردووە و کۆى داهاتى نەوتى فرۆشراویش، زیاتر لە 3 ملیار دۆلار بووە.

لە ڕاپۆرتەکەدا، ئەوە ئاشکرا کراوە، پاش لێدەرکردنى خەرجییەکانى هەناردەکردن و فرۆشتنى نەوت، حکومەتى هەرێمى کوردستان، نزیکەى 44%ى کۆى داهاتى نەوتى فرۆشراوى بۆ ماوەتەوە.

فەرمانگەى میدیا و زانیاریی حکومەتى هەرێمى کوردستان ڕایگەیاند، “لە چوارچێوەی پرۆسەی وردبینیی سەربەخۆیی کەرتی نەوت و غاز، وەک بەشێک لە دەستپێشخەریی تایبەت بە شەفافیەت لە بەرنامەی کاری ئەنجومەنی وەزیران، حکومەتی هەرێمی کوردستان، ڕاپۆرتی چارەکی یەکەمی ساڵی 2022ی تایبەت بە داتا و زانیاریی نوێ لەبارەی هەناردەکردن، بەکاربردن، خەرجی و داهاتەکانی نەوت بڵاوکردەوە و کۆمپانیای دیلۆیتی جیهانیش، دوای وردبینی پشتڕاستی کردووەتەوە“.

کلیک بکە و تەواوى ڕاپۆرتەکەى دیلیۆت بۆ چارەکى یەکەمى ساڵى 2022 بخوێنەرەوە..