10 گەورەترین بومەلەرزەى ئابوری لەڕووى ئابورییەوە
گەورەترین زیان 360 ملیار دۆلار بووە
گەورەترین بومەلەرزە لە جیهاندا ڕویدابێت لەڕووى زیانى ئابورییەوە، بومەلەرزەى تهۆکو بووە لە ژاپۆن، لە ساڵى 2011 ڕویداوە، کە بەهێزى بومەلەرزەکە 9.1 پلەى ڕێختەر بووە و زیانە ئابورییەکانى 360 ملیار دۆلار بووە.
..لێرە 10 گەورەترین بومەلەرزە لەڕووى ئابورییەوە لە مێژوودا دەخەینەڕوو،
- بومەلەرزەى تهۆکو
ئەو بومەلەرزەیە بوو کە لە هەرێمى تهۆکو لە ژاپۆن لە ساڵى 2011 ڕویدا، بەهێزیی بومەلەرزەکە 9.1 پلەى ڕێختەر بوو، سەرى بۆ تسۆنامى کێشا.
بە گەورەترین بومەلەرزە دادەندرێت و 360 ملیار دۆلار زیانى بەدواى خۆیدا هێنا، هەروەها 19 هەزار و 747 کەس بەهۆى ئەو بومەلەرزەیەوە گیانیان لەدەستداوە.
- بومەلەرزەى گرەیت هاینشین
لەڕوى زەرەر و زیانەکانەوە، بە دووەم گەورەترین بومەلەرزە دادەنرێت، لە ساڵى 1995 لە بەشى باشوورى هیۆگۆ لە ژاپۆن ڕویداوە، بەهێزى بومەلەرزەکە 6.9 پلەى ڕێختەر بووە.
زیانە ئابورییەکانى ئەو بومەلەرزە 197 ملیار دۆلار بووە، بەهۆیەوە 5 هەزار و 502 کەس گیانیان لەدەستداوە.
- بومەلەرزەى سیشوان
بە گوڕى 8 پلەى ڕێختەر لە سیشوانى چین لە ساڵى 2008 ڕویداوە، زیانە ئابورییەکانى ئەو بومەلەرزەیە 148 ملیار دۆلار بووە، سێیەم گەورەترین بومەلەرزەیە لەڕوى زیانە ئابورییەکانەوە.
بەهۆى ئەو بومەلەرزەیەوە 87 هەزار کەس گیانیان لەدەستداوە و بێسەروشوێن بوون.
- بومەلەرزەى نۆرس ڕیدج
ئەو بومەلەرزە لە ناوچەى نۆرس ڕیدج لە ویلایەتى کالیفۆڕینا لە ئەمریکا لە ساڵى 1994 ڕویدا، بەهێزى بومەلەرزەکە 6.7 پلەى ڕێختەر بووە، زیانە ئابورییەکانى 49 ملیار دۆلار بووە.
لەو بومەلەرزەیەى ئەمریکا 57 کەس گیانیان لەدەستداوە.
- بومەلەرزەى کریست چەرچ
ئەو بومەلەرزە لە کریست چەرچى نیوزلەندا لە ساڵى 2011 بە گوڕى 6.3 پلەى ڕێختەر ڕویدا.
زیانە ئابورییەکانى ئەو بومەلەرزە 40 ملیار دۆلار بووە، بەهۆیەوە 185 کەس گیانیان لەدەستداوە.
- بومەلەرزەى چیڵى
بە 8.8 پلەى ڕێختەر لە ناوەندى وڵاتى چیڵى لە ساڵى 2010 ڕویداوە، زیانە ئابورییەکانى 30 ملیار دۆلار بووە.
بەهۆیەوە 500 کەس گیانیان لەدەستداوە.
- بومەلەرزەى شێتسوو
لە ساڵى 2004 لە ناوچەى شێتسوو لە ژاپۆن بە 6.8 پلەى ڕێختەر ڕویداوە، زیانە ئابورییەکانی 28 ملیار دۆلار بووە.
ژمارەى ئەو کەسانەى بەهۆى بومەلەرزەکەوە گیانیان لەدەستداوە، 68 کەس گیانیان لەدەستداوە.
- بومەلەرزەى ئیزمیر
هەشتەم گەورەترین بومەرزەیە لەڕووى زیانى ئابورییەوە، لە ساڵى 1999 لە شارى ئیزمیر لە تورکیا لە 7.6 پلەى ڕێختەر ڕویداوە.
زیانە ئابورییەکانى 19 ملیار دۆلار بووە، بەهۆیەوە 17 هەزار و 127 کەس گیانیان لەدەستدا.
- بومەلەرزەى نۆرسێرن
لە ساڵى 2012 لە ناوچەى نۆرسێرن لە ئیتاڵیا بە گوڕى 6.1 پلەى ڕێختەر ڕویداوە، نۆیەم گەورەترین بومەلەرزەى جیهانە لەڕووى زیانە ئابورییەکانەوە، کە زیانى 16 ملیار دۆلارى هەبووە.
بەهۆیەوە 27 کەس گیانیان لەدەست داوە.
- بومەلەرزەى ئیرپینیا
لە ساڵى 1980 لە ناوچەى ئیرپینیا لە ئیتاڵیا بە پلەى 6.9 پلەى ڕێختەر ڕویداوە، زیانە ئابورییەکانى 15 ملیار دۆلار بووە.
ژمارەى ئەو کەسانەى بەهۆیەوە گیانیان لەدەستداوە 2 هەزار و 483 کەس بوون.
