دامەزرێنەرى فەیسبووک خانووەکەى بە سێ هێندەى نرخەکەى خۆى فرۆشت

مارک زاکەربێرگ، دامەزرێنەرى کۆمپانیاى فەیسبووک، خانووەکەى لە سان فرانسیسکۆ لە ئەمریکا بە 31 ملیۆن دۆلار فرۆشت.

فرۆشتنى خانووەکەى دامەزرێنەرى فەیسبووک، بەڕێوەبەر و دامەزرێنەرى کۆمپانیاى مێتا، گرانترین گرێبەستى فرۆشتنى خانووە لەو شارە لە ئەمساڵدا، وەک پێگەى The Real Deal ئاشکراى کردووە.

ئەوە لەکاتێکدایە، مارک زاکەربێرگ، ئەو خانووەى لە ساڵى 2012 بە 10 ملیۆن دۆلار کڕیوە، بەڵام بە زیاتر لە سێ هێندە فرۆشتویەتییەوە.

خانووەکەى خاوەنى فەیسبووک دەکەوێتە گەڕەکىLiberty Hill، ڕوبەرەکەى 7 هەزار پێی چوارگۆشەیە و لە ساڵى 1928 دامەزراوە.

مارک خاوەنى چەندین خانوى دیکەیە لە کەناراوەکانى تاهۆ و هاواى، ئەوە تاکە خانووى نییە.