ئەمریکا ناچار بە کشانەوە بکرێت عێراق چی بەسەر دێت؟

بیلال ڕەئوف

ئابوریناس و مامۆستای زانکۆ

ئەگەر سیاسیەكانی عێراق بەوریای مامەڵە لەگەڵ كشانەوەی هێزی شەڕكەری ئەمریكا نەكەن و ئەمریكا ناچار بكەن بەتەواوی بكشێتەوە ئەزانن چیمان بەسەر دێت؟..

بێ ئەملا و ئەولا 100 دۆلار بەرامبەر دەبێت بە یەک ملیۆن دینار و زیاتر، دەزانن ئەوەش واتای چی؟..

واتا گرانبوونی نرخی كاڵا و شمەك 10 هێندەی خۆی بەهۆی ئەوەی..

64 ملیار دۆلار یەدەگی بانكی ناوەندی عێراق لەبانكی فیدڕاڵیی ئەمریكایە و لەعێراق نییە.

داهاتی فرۆشتنی نەوتی عێراق تائێستاش ڕۆژانە دەچێتە ئەژمارێكی عێراق لە بانكی فیدڕاڵیی ئەمریكا و ڕۆژانە لەوێوە دەدرێت بە عێراق.

تەواوی زێڕو دراوی قورس (بیانی) عێراق لە ئەمریكایە و لە بەغداد نییە.

ڕۆژانە لەداهاتی فرۆشتنی نەوت 200 ملیۆن دۆلار دەخرێتە بازاڕی عێراقەوە تا دۆلار بەرزنەبێتەوە، ئەوكات ئەوە نامێنێت و دۆلار دەفڕێت.

ئەمریكا بەتەواوی عێراق جێبهێڵێت، واتا وەستانی فرۆشتنی نەوتی عێراق كە 90%ی داهات پێك دەهێنێت.

ئەمریكا بەتەواوی عێراق جێبهێڵێت، واتا دەستگرتن و بلۆككردنی تەواوی یەدەگی عێراق لە دۆلار و زێڕ.