بۆچی خەڵکی لە ئینتەرنێت شت دەکڕن؟

بەیاد عەزیز

چوار هۆکاری زۆر سادە هەن کە وا لە یەکێک دەکەن لە ئۆنڵاین شتێک بکڕێت، ئەو هۆکارانەش ئەمانەن؛

1- لەبەر ئەوەی هەرزانترە

2- چونکە کاتی نییە – گەیاندنی خێرا و خۆڕایی

3- بەردەستنەبوونی کاڵاکە لە ناوچەکەی

4- ئەگەر فرۆشیارەکە براندێکی گەورە بێت، یان وەکیلێکی بێت و کڕیاریش بیەوێت ئەو کوالێتییەی بەدەست بگات.

سێ فاکتەری زۆر سەرەکیش هەن کە کێبکڕێی بازاڕ دروست دەکەن، کە بریتین لە؛

– کات

– نرخ

– کوالێتی

جا فرۆشیاری بەڕێز، پەیجێکت داناوە و گەیاندنت نزیکە لە چاخی بەردینەوە و نرخەکانیشت فڕاندووە و کوالێتیش هەر نازانی چییە، بەنیازیت بەم شێوەیە خەڵک بێن شتت لێ بکڕن و کە نەشیانکڕی دێی دیزاینەرە داماوەکەت دەگۆڕیت و ئەیکەی بە خەتای فۆتۆگرافەرەکەت.

دیجیتاڵ مارکێتینگ تەنیا پۆستکردن نییە و ڤیدیۆی بەرهەمێکی چینی هەڵبدەیتە سۆشیاڵ میدیاوە و بەنیازبیت خۆی خۆی بفرۆشێت، پێویستت بە ستراتیجی ڕوون و یەکلاکەرەوە هەیە کە لە هەنگاو بە هەنگاوی بزنسەکەتدا ڕێگاکەت بۆ ڕۆشن بکاتەوە.

ئاساییە ئەگەر خۆت نەتزانی بڕۆ کۆرسێک وەربگرە، ڕاوێژ بە کەسێکی شارەزا بکە.

https://www.facebook.com/bayad.digital/posts/1164168554396271